منتديات مرهف الاحساس

http://up.arab-x.com/July11/8NZ02962.jpg

اهلا بكم بمنتديات مرهف الاحساس


    كيف تعرف الشخص الفلسطيني من بين سكان العالم ؟؟؟

    شاطر
    avatar
    سمو الامير
    Admin
    Admin

    عدد المساهمات : 527
    السٌّمعَة : 1
    تاريخ التسجيل : 12/04/2011
    العمر : 27
    MMS :

    مضحك كيف تعرف الشخص الفلسطيني من بين سكان العالم ؟؟؟

    مُساهمة من طرف سمو الامير في الأربعاء يونيو 29, 2011 12:47 am


    كيف

    تعرف الشخص الفلسطيني من بين سكان العالم ؟؟؟












    * بيفهم في الطب وبيشخص المرض وبيوصفلك الدوا

    وبيفهم في الكهرباء وتصليح السيارات والطبخ والسياسة والقانون

    والواجب و الدين و الحسابات والكورة وهو أبيض ياورد






    * بيحط الريموت كونترول

    في كيس نايلون حتى ما يتغبر ولا يضيع ولا يتوسخ .

    FONT>









    * أكثر إنسان عنده

    عضلات على قد ما أولاده أكلو منه قتل .









    * بس يقعد

    يتفرج على التلفزيون بيضل ينقل من محطة لمحطة كل دقيقة .








    * بيوقف يتكلم على الباب نص ساعة بعد إنتهاء الزيارة والسلام .








    * في خزانة المطبخ عنده عشرين مرطبان مربى فاضي منشان اذا احتاج يستخدمها ومازال مُصِر على جمع المزيد.








    *ييجي بعد الموعد بساعة وربع دون ان يعتذر وبيطل الحق

    عليك وعلى ساعتك الغلط .








    * يتكلم بصوت عالي في المكالمة الدولية منشان التاني يسمعه.









    * بيعتبر حاله أفضل واحد في الشراء والمفاصلة ثم

    يكتشف إن الشي في المحل اللي جنبه أرخص من غير مفاصلة.








    * بيحتفظ بأكياس محلات اللبس والأحذية وورق الهدايا تحت

    فرشة سريره لسنوات .









    *عنده صينية مكسرات مقسمة لتلات او أربع أقسام

    منشان المزاج لكن لايستخدمها ابدا.








    *بيشتري قبل الإفطار في رمضان مواد استهلاكية متوفرة عنده

    في البيت .









    * عنده منقل شوي للرحلات وسياخ طبعا ومولع فحم

    وعدة رحلة كاملة وخلافه موجودين بالسيارة كجزء أساسي من حياته الأسبوعية .









    * أول ما يشوف منظر طبيعي وزرع وخضار

    بصير يحكي بينه وبين حاله ( بدها هش ونش القصة ) .









    * دايما ماشي بالسوق هو ومرته وإبنهم الصغير (

    دايما بعيط ) والولد بحكي الجملة المشهورة ( بدي هــــاي ) مع تنهيده قوية تنم عن القتلة اللي باقي ماكلها من أبوه طبعا أكيد بوسط السوق قدام البشر.








    * بيفرش شرشف السرير على طقم الكنبايات منشان الكنباية ما

    تتوسخ، ولما يجوا الضيوف بيترك الشرشف وما بشيله.









    * بيطفي سيجارتو بفنجان القهوة مع انو في طفاية (

    متكة ) على الطاولة .









    * دايما بدور على الاشي الكويس والرخيص وابن

    الناس وبموت في اشي اسمه " لقـــطة " .









    * بفهم بالسياسة ورأيو دايما هو المزبوط وكل العالم

    ونة والقضية باعوها وقبضو حقها.









    * دائما يعيش ضمن الحلم ولا يقبل بان يخرج مما يحلم.









    * دايما عامل حاله أكثر واحد عنده كرامه في العالم.









    * دايما بوصي اولاده " اوعى الناس تضحك

    عليك .. واكيد طول انهاره بيذل اولاده وبقولهم شوف ابن فلان احسن منك وعامل مقارنة

    بينهم وجايب لولاده احباط.









    * بتفوت عنده في المطبخ راح تلاقي " تنكة زيت

    زيتون" , " نص تنكة جبنة " , " تنكة زيتون غير المرطبانات اللي فيها زتون "

    بالاضافة للاعشاب هاي " زعتر نوعين عالاقل , ميرامية وبكون حاططهم في خيشه , انواع متفرقة من

    الاعشاب " لكي








    يمارس الطب فيها على البشر.









    * اكلاته المفضلة " قلاية البندورة" واكيد لازم

    يدعي انه مافي حدى بيعرف يعملها زيوو ودائما بيفتخر فيها وبيفتخر في قرنين الفلفل اللي

    بيحطهم عليها وبضل يحكي عنهم قديش بيحرقو وتعتبر من الاكلات

    اللي بتناسب جميع الأوقات وكل الاماكن يعني ممكن يفطر او يتعشى او يتغدى عليها

    كلو بصير مع قلاية البندورة لامستحيل ابدا, طبعا بالاضافة للاكلات الاخرى زي

    المجدرة , شوربة العدس وطبعا بيحاول يفهم اولاده دايما على السفرة قديش هي مفيدة واذا


    واحد رد عليه وقلو اللحمة يابه كمان مفيده بظربه قتله وبقوله قوم عن السفرة على

    اساس انه طارده من على سدر منسف.








    * "قتلة الاولاد ماقبل النوم" هي بمثابة قصة ماقبل النوم عند

    الشعوب الاخرى لان القتل قبل النوم هو اسهل وسيلة فعالة للنوم السريع

    علشان هيك بس يكبرو اولاده بتمسحو وببطلو يحسو بالقتل اللي بوكلوه

    وطبعا لازم هو ومرتو يفتخرو قدام الناس ويحكو عن القتلة اللي الاب طعماها لابنو

    والمصيبة انو الابن بكون بسمع ومبسوط انهم بحكو عنو .








    * كل مايشوف محل شغال كويس بصير يحسب للمحل قديش

    بطلع في الشهر واكيد تراوده " في احلام اليقضه " فكرة انو بدو يفتح

    محل وبدو يعمل مشروع كل ماشاف واحد صار معاه شوية مصاري وبضل

    طول عمره يحلم ويفكر قي هالاشي ولكن تبقي كلها في احلام اليقضة تتوارثها الاجيال

    جيل بعد جيل








    * وهاى طبعا لواحد ف بالى : كل ما يروح على رفح بيميل

    ياكل من مطعم اسمو مطعم منى بيعمل فراشيح فول وحمص على

    اساس يعنى من زكاوة اكلو ولا نظفة مطعموو .








    * طبعا في المجلس دائما بتكلم عن الفرص اللي صحتلو زي

    قطعة الارض اللي نعرضت عليه قبل عشر سنين وكان سعر المتر

    دينار وهلأ سعر المتر 5000 دينار وانو نعرض عليه جبل كامل بعشرين ليرة بس هو ما رضي فيه وهسة طبعا


























    وبتمنى انو ما حدا يزعل من الحكى هدا لانو هى واقع الشعب الفلسطيني .


    .


    ****توقيع العضو (ة)****




    [center]
    avatar
    ????
    زائر

    مضحك رد: كيف تعرف الشخص الفلسطيني من بين سكان العالم ؟؟؟

    مُساهمة من طرف ???? في الجمعة يوليو 01, 2011 10:54 am

    مشكووووووووووور
    avatar
    سمو الامير
    Admin
    Admin

    عدد المساهمات : 527
    السٌّمعَة : 1
    تاريخ التسجيل : 12/04/2011
    العمر : 27
    MMS :

    مضحك رد: كيف تعرف الشخص الفلسطيني من بين سكان العالم ؟؟؟

    مُساهمة من طرف سمو الامير في السبت يوليو 02, 2011 1:04 am

    شكرا لمرورك الرائع


    ****توقيع العضو (ة)****




    [center]
    avatar
    محدش يكلمني
    المشرفة العامة
    المشرفة العامة

    عدد المساهمات : 311
    السٌّمعَة : 0
    تاريخ التسجيل : 27/06/2011

    مضحك رد: كيف تعرف الشخص الفلسطيني من بين سكان العالم ؟؟؟

    مُساهمة من طرف محدش يكلمني في السبت يوليو 02, 2011 10:30 am

    ههههههههههههههههههههههههههه

      الوقت/التاريخ الآن هو الأحد سبتمبر 23, 2018 2:00 pm