منتديات مرهف الاحساس

http://up.arab-x.com/July11/8NZ02962.jpg

اهلا بكم بمنتديات مرهف الاحساس


    نكت متعوب عليها

    شاطر
    avatar
    ????
    زائر

    جديد نكت متعوب عليها

    مُساهمة من طرف ???? في السبت يونيو 18, 2011 9:40 am

    مرة واحد كان ماشي بهالشارع وداس على قشرة موزة .. وقع على ايدو وقعة مرتبة فصار كوعه يوجعه .. راح لأقرب دكتور .. ولما دخل العيادة .. الممرضة قالت له : عايزين عينة من الدم ..

    هو استغرب وقال : معقول! .. شو دخل هي بـ هي ؟؟ أنا كوعي مخلوع .

    الممرضة قالت : تسطفل .. هادا النظام .. اذا في عينة دم .. ممكن تدخل للدكتور ..
    ما في دم .. ما في دكتور ..

    الزلمة ضرب اخماس بأسداس .. وسلم امره لله .. وقال .. خلص مافي مشكلة ..

    وبعد شوي طلع الدكتور مبتسم وقال : واضح انه الضربة قوية ..بس اطمن .. كوعك سليم مو مخلوع

    المريض اتعقد .. وقال : طيب من وين عرفت انه كوعي هو اللي عم يوجعني ؟؟ أكيد الممرضة قالتلك..

    الدكتور: لا أبدا .. تحليل الدم هو اللي بيّن كل شي .. أنا عندي جهاز جديد لتحليل الدم بالكمبيوتر .. بينعرف منه كل شي عن حالتك الصحية .. خود هلأ هالمرهم ادهن منه .. وبعد اسبوع
    راجعني .. ولا تنسى تجيب عينة دم جديدة معك ..



    هادا راح عالبيت معقّ عالآخر.. وضاربه فيوزاته .. وحكى للعيلة عن اللي صار معو .. وقعدوا يضحكوا على نصب الدكاترة

    .. قال شو؟؟ .. تحليل دم بالكمبيوتر .. شوف على هالسلبة ..

    بعد اسبوع كوعه روّق تمام .. وقرر يروح للدكتور ... بس ابنه اقترح عليه يعمل مقلب بهالدكتور مشان يكشف احتياله ونصبه.. حاجته يسلبها على العالم .. من وين جايب هالنهفة .. تحليل دم بالكمبيوتر !!

    قام الابن اخد عينة من دمه على عينه من دم أمه على عينة من دم ابوه وحط عليهم شوية من زيت السيارة

    وقال خلينا نشوف هالنصاب شو بدو يقول .

    اخد الاب هالخلطة العجيبة وراح للدكتور و عطاها للممرضة .. وقعد ينتظر

    ... وبعد شي نص ساعة طلع الدكتور عرقان وماسك ورقة طويلة (نتيجة التحليل) ..

    قام سأله بطريقة ساخرة .. شووووو؟؟؟ شو لقيت يادكتور بالتحليل
    الدكتور : شوف .. هو واضح انه كوعك صار تمام .. بس في شوية نتائج غريبة ..

    أولاً : ابنك عندو سكر

    ثانياً : مرتك حامل ..

    ثالثاً : محرك سيارتك لازملو تبديل جوان الكولاس.
    avatar
    ????
    زائر

    جديد رد: نكت متعوب عليها

    مُساهمة من طرف ???? في السبت يونيو 18, 2011 9:40 am

    هههههههههههههههههههههههههه
    avatar
    محدش يكلمني
    المشرفة العامة
    المشرفة العامة

    عدد المساهمات : 311
    السٌّمعَة : 0
    تاريخ التسجيل : 27/06/2011

    جديد رد: نكت متعوب عليها

    مُساهمة من طرف محدش يكلمني في السبت يوليو 02, 2011 10:44 am

    هههههههههههههههههههههههههههههههههههههههه
    avatar
    ????
    زائر

    جديد رد: نكت متعوب عليها

    مُساهمة من طرف ???? في الجمعة يوليو 08, 2011 7:29 am

    هههههههههههههههههههههههه
    avatar
    ????
    زائر

    جديد رد: نكت متعوب عليها

    مُساهمة من طرف ???? في الجمعة يوليو 08, 2011 9:03 am

    ههههههههههههههههه
    شكرا لمروركم الجميل والسعيد
    ههههههههههههههههههههه

      الوقت/التاريخ الآن هو الأربعاء نوفمبر 14, 2018 10:05 pm